Betal det du kan – i Nynorskhuset og på turné med Lys i bygda
Teater Vestland har innført eit nytt og meir fleksibelt prissystem på utvalde framsyningar – både i Nynorskhuset i Førde og når vi turnerer med bygdehusturneen Lys i bygda.
Konseptet heiter «Betal det du kan», og betyr at du som publikummar sjølv vel kva billetten skal koste. Du kan velje mellom fleire prisklassar:
150, 200, 250, 300, 350 – eller ein solidaritetspris på 500 kroner for deg som ønskjer å støtte litt ekstra.
På Lys i bygda-turneen går heile billettinntekta til det lokale bygdehuset – det er dei som står som arrangør. Takka vere støtte frå Sparebanken Sogn og Fjordane er det mogleg for bygda å tene pengar på kulturopplevinga, utan å ta økonomisk risiko.
Du vel prisen – bygda får inntekta – og vi får møtast i teateret.
Eit inkluderande teater er eit rikt teater – velkommen inn!
