Linda Øvrebø

Linda er utdanna cand. musicae ved Bergen Musikkonservatorium og Norges Musikkhøgskole. Ho mottok Ingrid Bjoner-stipendet i 1993, og etter å ha fått Rikskonsertane sin debutstønad, gav Linda sin debutkonsert i Universitetets Aula i 1995. Året etter fekk ho Kirsten Flagstad-prisen.

I perioden 1996 – 1998 var Linda Øvrebø stipendiat ved Den Norske Opera. Sidan 1996 har ho hatt ei rekkje roller ved Operaen, mellom anna som Frasquita i Carmen, Pamina i Tryllefløyten og Adele i Flaggermusen.

Linda har vore solist med alle dei store norske orkestra og stått på scena under  musikkfestivalar i heile landet. Linda spelte Margrethe i Audun Hugleikson, kongens mann i Jølster  (2002,2004), ho hadde hovudrolla som Violetta då Opera Nordfjord sette opp La Traviata (1999), og ho song Susanna i Figaros bryllup (2002).

Linda var sist engasjert ved SoFt i framsyninga om Matias Orheim, der ho spelte kona hans, Marie (2010,2012).