YOGAKRIGEN
Sogn og Fjordane Teater / Teater Vestland - Yogakrigen av Ingrid Jørgensen Dragland.
Foto: Oddleiv Apneseth
NY NYNORSK DRAMATIKK - URPREMIÈRE
Pust med magen og legg att bekymringane dine utanfor døra. Du er god nok, akkurat slik som du er.
Før møttest kvinner rundt kjøkkenbordet og snakka saman, no går dei på yoga og snakkar ikkje saman i det heile tatt. Men i tankane brølar dei. I tankane går dei til åtak på kvarandre og ikkje minst seg sjølve med sleivete kommentarar og emosjonelle molotov-cocktailar.
Tenk deg at du kan sjå begge desse parallelle røyndomane - både yogaen og krigen - skje på ein og same gong framfor deg på scena. Kva er verkeleg, og kva er draum? Kva blir sagt, og kva blir tenkt?
I dette stykket er publikum invitert inn i black-boxen i ein yogatime saman med fem damer som alle har sitt å stri med. Ei er åleinemor og lever på fattigdomsgrensa. Ho har fått gratis prøvetime og synest det heile er uvant og temmeleg rart. Ei anna har ei positiv tilnærming til det meste og er alltid på topp. Ei tredje er redd for at ho krympar og kjem til å forsvinne heilt. Ei fjerde eser utover og blir berre større og større. Ho orkar knapt å gå tur med hunden og ser nesten aldri mannen sin, som joggar heile tida. Til slutt er det yogainstruktøren. Ho har minst ro av dei alle.
Yogakrigen er ny, nynorsk dramatikk med urpremiere på Sogn og Fjordane Teater. Det er ei drøymande, assosierande framsyning innanfor rammene av ein streng disiplin. Kvinnene går på yoga for å sleppe unna kvardagen for ei stund. Men på matta er det kvardagen som står i djup strekk med musklar som dirrar under presset. Ein og annan hjernepromp slepp ufrivillig ut. Og ingenting er vel meir morosamt enn hjerneprompar og andre forsnakkingar.
Teatermeldingar Yogakrigen
“Kven av dei er du” - Firda (+)
“Ein uvanleg yogatime” - Fjordingen (+)
“…eit interessant sosialt spel” - Norsk Shakespearetidsskrift (+)
FOTOGALLERI YOGAKRIGEN
Foto: Espen Nyttingnes, Rakkar AS
KUNSTNARLEG LAG
YOGAKRIGEN
AV Ingrid Jørgensen Dragland
BEARBEIDING, REGI OG SCENOGRAFI Audny Chris Holsen
LYSDESIGN Krystian Myska
KOREOGRAF MUSIKALNUMMER Miriam Førde
INSPISIENT Charlotte Prydz Ottesen
Yogakrigen er utvikla med støtte frå Dramatikkens hus
MEDVERKANDE
