Juleeventyrkalender
Kva skjuler det seg bak lukene i teateret sin nye juleeventyrkalender…?
Tradisjonen med adventskalendrar oppstod i Tyskland for meir enn hundre år sidan. I desember opnar Sogn og Fjordane Teater sin heilt eigne juleeventyrkalender - for først gong i historia.
Vi skal ikkje røpe for mykje om kva som skjuler seg bak lukene. Men følgande kan vi slå fast: Borna får både lytte, sjå og delta.
Først blir det juleverkstad. Borna får vere med på å lage julepynt som skal dekorere Eventyrrommet i høgtida. Etterpå blir det framsyning. Teateret sine skodespelarar les eventyr, fortel historier og syng meir og mindre kjende julesongar. Juleverkstaden varer i cirka 30 minutt - framsyninga i cirka 35 minutt.
Bli med teateret og kort ned den uendelege ventetida!
Barnehagar kan bestille billettar til dagframsyningane på marknad@softeater.no