Ledige stillingar: Vi søker publikumsvertar
Vi søker publikumsvertar til splitter nye teaterlokale i Nynorskhuset midt i Førde sentrum. Som publikumsvert er du den første som møter publikum og syter for at dei føler seg velkomne.
Arbeidsoppgåver:
Ta imot og hjelpe publikum til rette ved arrangement
Billettsal
Noko riggearbeid før og etter arrangement
Syte for at brann- og sikkerheitsforskrifter blir følgde og ha ansvar for evakuering ved behov
Vi ser etter deg som har/er:
Positiv og serviceinnstilt
Utadvendt, ivrig og spreier god energi til dei rundt deg, både publikum og kollegaer
Liker å samarbeide med andre og finne gode løysingar
Fleksibel
Trivst med høgt tempo
Fylt 18 år
Ekstrahjelp-stillingar i 1 års engasjement, hovudsakleg kvelds- og helgearbeid. Teater Vestland har nett flytta inn i nytt teaterhus i Nynorskhuset, og stillingane er under utvikling. Det er difor viktig at du møter med ope sinn.
Send søknad til post@teatervestland.no allereie i dag - eller seinast 1. september! Nynorskhuset opnar siste veka i september, og opplæring vil skje frå midten av same månad.
Nynorskhuset
Landets største nynorskklynge. Teater Vestland deler hus med NRK Vestland og Firda. Vi har to scener på Nynorskhuset: hovudscena og blackboxen. Publikum kjem inn i ein triveleg foaje med restaurant, der det i tillegg er eit lita scena for mindre arrangement.